Антониу Гутерриш, дабири кулли Созмони милал рӯзи чаҳоршанбе бори дигар хостори бозгашти фаврии оташбас дар Ғазза, озодии беқайду шарти усаро ва дастрасии биломенеъ ба кумакҳои башардӯстона дар саросари Борикаи Ғазза шуд.
Ба гузориши Порс Тудей, дабири кулли Созмони милал гуфт: Бомбаборонҳои густардаи Исроил ва амалиёти заминӣ танҳо дар ду рӯзи гузашта мунҷар ба вайронии густарда ва овора шудани беш аз 100 ҳазор фаластинӣ аз Рафаҳ шудааст, ки аксари онҳо чандинбор ва бо васоили кам овора шудаанд.
Вай бо интиқод аз ҳамлаи артиши режими саҳюнистӣ ба корвони пизишкӣ ва ёрии таъҷилӣ дар 23 март, ки мунҷар ба кушта шудани 15 нафар аз кадри пизишкӣ ва кормандони имдодӣ дар Ғазза шуд, афзуд, аз октябри 2023, дастикам 408 имдодгар дар Ғазза кушта шудаанд, ки 280 нафар аз онҳо коркунони Созмони милал буданд.
Хабари дигари инки Исмоили Бақоӣ, сухангӯи вазорати умури хориҷаи Эрон рӯзи панҷшанбе бо ишора ба гузориши ахири гузоришгари ҳаққи ғизои Шӯрои ҳуқуқи башари Созмони милал, ки хостори фишор бар режими Исроил барои таваққуфи сиёсати таҳмили гуруснагӣ ва қаҳтӣ ба амдан абзори наслкушӣ шудааст, аз беамалии бархе кишварҳои ғарбии муддаии ҳуқуқи башар аз ҷумлаи Англия, Канада, Олмону Фаронса дар қиболи нақзҳои фоҳиш ва низомманди ҳуқуқи башар дар Ғазза ибрози таассуф кард ва онро нишонаи равшане аз адами садоқати ин кишварҳо дар робита бо ҳуқуқи башару ҳокимияти қонӯн донист.
Бақоӣ бо ёдоварии масъулияти муштараки ҳамаи давлатҳо барои пешгирӣ ва муқобила бо ҷиноёти шанеъи Исроил, аз ҳамаи кишварҳои ҷаҳон хусусан кишварҳои исломӣ хост то бо ҳамбастагии каломӣ ва амалӣ бо мардуми таҳти ситами Фаластин, монеъи тадовуми куштори занону кӯдакони бепаноҳи фаластинӣ шаванд.
Филипп Лазарини, раиси Ожонси имдодрасонӣ ва корёбӣ барои оворагони фаластинӣ (UNRWA) ҷумъаи гузашта дар изҳороте бо баёни инки аз се ҳафта қабл токунӯн ҳеҷ кумаки башардӯстонае вориди Ғазза нашудааст, таъкид кард: Башарият акнӯн дар ториктарин соати худ қарор дорад.
Режими саҳюнистӣ аз ҳафтуми октябри 2023 ҷанги вайронгарро алайҳи Борикаи Ғазза оғоз кард, ки токунӯн беш аз 50 ҳазор шаҳид ва даҳҳо ҳазор маҷрӯҳ бар ҷо гузоштааст.
342/
Your Comment